الى شعب مصر العزيز ,هذه أول كلمات أكتبها بالعامية المصرية. عذراً لو لم اتقنها فهي ليست بلهجتي الأم و لكنها قريبة من قلبي.
ففضلاً رفقا بي.
 |
| ضُليلة شجرة, زمالك, مصر 2011 |
اشتقت لليلها و نهارها
اشتقت لجنونها و روقانها
اشتقت لسهر الليالي في البلكون
و الناس و الحبايب في لمة كل يوم
اشتقت لضُليلة شجرة
سبتها في شارع المنصور محمد
قدام فنون جميلة
و كافيه نوار
اشتقت لزاوية في البُرج
وقفت فيها في حضنه
و أنا وياه في كادر صورة
مخفية في الدولاب
اشتقت لنحاس سامي أمين
يوم ما اشترىٰ لي باباك
حلق فضة و شنطة زرقة
و قلب نحاس
حسيت يوميها..ان باباك زي بابايا
و بحبني أكتر منك كمان
اشتقت لمامتك
اللي كل ما اتشوفني تروح موكلاني
حبتين عيش غلابة على جوزين حمام
اشتقت لأوتيل اسكندرية
اللي زعلت فيه..
فاكرة يوميها طيبت خاطري
بمكوىٰ
و فنجان قهوة
أروق بيه الجنونة اللي ركبتني
في بلكونة قُدام سان ستيفانو
اللي كان مليان غُنى و ناس
وحشتني..
مصر وحشتني
و أهلها..و أهلي
و ناسها..و ناسي
و الأكتر منهم..انت كمان
سماح حسين
12:45صباحاً بتوقيت ألمانيا
4 سبتمبر 2011 الأحد
No comments:
Post a Comment